Алишер Навоий номидаги Ўзбекистон Миллий кутубхонасининг катта қироатхонасида Тошкент шаҳрининг 2200 йиллигига бағишланган китоб кўргазмасининг очилиши ва кутубхонанинг библиография бўлими томонидан тайёрланган «Тошкент», «Тошкент — 2200 ёшда» номли библиографик кўрсаткичларнинг, шунингдек, электрон шаклга ўрнатилган «Тошкент» библиографик кўрсаткичнинг (рус тилида) тақдимоти бўлиб ўтди.

Тадбирда сўзга чиққан Алишер Навоий номидаги Ўзбекистон Миллий кутубхонасининг директори Абдусалом Умаров, шу кутубхона директорининг илмий ишлар бўйича ўринбосари Ирина Маминова, Миллий библиография бўлими мудири Фозила Рўзиева, илмий ва маркетинг тадқиқотлари бўлими мудири Улуғбек Каримов, Абдулла Қодирий номидаги Тошкент Давлат маданият институтининг доценти Ҳамрохон Маматраимовалар Тошкентнинг 2200 йиллик давридаги, айниқса Узбекистан мустақилликка эришгандан кейин пойтахт хаётида юз берган ўзгаришлар акс эттирилган кургазмага кўйилган тарихий, бадиий, публицистик ва бошка жанрлардаги асарлар ҳақида, Тошкент ҳақидаги библиографик ва методик кўлланмалар яратилиши тарихи, такдим этилаётган Тошкент ҳақидаги библиографик кўрсаткичлар, улардаги шаҳар ҳаётининг йўналишларига оид йирик соҳавий мавзули бўлимлар ва улар ичидаги адабиётлар кўрсаткичларининг илмий-методологик томонлари, мазмун моҳияти ҳақида фикр юритдилар. Электрон шаклга ўтказилган «Тошкент» библиографик кўрсаткичига киритилган маълум бир қисм матнлар бу кўрсаткичнинг янада кенгрок, аудиторияларга кириб бориши, уни янги чиққан адабиётлар билан тўлдириб бориш имконияти пайдо бўлганлиги муносабати билан, кўрсаткични янги чиққан адабиётлар билан тўлдириб нашр қилишга оид таклифлар тушди.
Ҳасан АБДУНАЗАРОВ

Toshkent oqshomi #167 25.avgust 2009