ELEKTRON KUTUBXONA TIZIMI KARMATDAN
FOYDALANISH QOIDALARI
Elektron kutubxona tizimi KARMATning har bir resursi
quyidagi uchta maqomdan biriga ega:

   1. Elektron resursdan "ERKIN FOYDALANISH". Bunday holda foydalanuvchi "Qidirish" va "Kengaytirilgan qidirish" tugmalaridan foydalanib elektron katologdan kerakli ma`lumotlarni izlash, referat va to`liq matnni ko`rib chiqishi mumkin.

   2. Elektron kutubxonada "RO`YXATDAN O`TGAN HOLDA FOYDALANISH". Bunday holda foydalanuvchi dastlab elektron kutubxonada ro`yxatdan o`tib tegishli login va parolni o`z elektron pochtasi orqali qabul qilib oladi hamda elektron kutubxonaning foydalanuvchisi sifatida elektron resurslarning to`liq matnlarini ko`rish huquqiga ega bo`ladi. Elektron kutubxonada ro`yxatdan o`tish uchun interfeysdagi "Registratsiya" tugmasi bosiladi va tegishli maydonlar to`ldiriladi. "Qo`shish" tugmasini bosish orqali elektron kutubxonaning kataloglashtiruvchisiga kerakli ma`lumotlar jo`natiladi.

   3. Elektron kutubxonaning pullik resurslari. Pullik elektron resursga ega bo`lish uchun elektron resurs egasi bilan shartnoma tuziladi. Tizim elektron resurs to`g`risida bibliografik axborot va uning referatini foydalanuvchiga tarmoq orqali ko`rsatadi ammo resursning to`liq matniga faqat shartnoma orqali ega bo`lish mumkin.