Бош саҳифа > ЯНГИЛИКЛАР > Ўзбекистон Миллий кутубхонасида “Арча” бард қўшиғи ижрочилари клубининг Янги йил концерти бўлиб ўтди

СЎНГГИ ЯНГИЛИКЛАР

19.04.2018 Ўзбекистон халқ ёзувчиси, Ўзбекистонда хизмат кўрсатган маданият ходими Шуҳрат таваллудининг 100 йиллигига бағишланган “Олтин зангламас” деб номланган библиографик шарҳ бўлиб ўтди

19.04.2018 “Central Asia–2018. ФАН, ТАЪЛИМ, МАДАНИЯТ ВА БИЗНЕСДА ИНТЕРНЕТ ВА АХБОРОТ-КУТУБХОНА РЕСУРСЛАРИ” XII Халқаро конференцияси ўз ишини давом эттирмоқда

18.04.2018 “Central Asia–2018. ФАН, ТАЪЛИМ, МАДАНИЯТ ВА БИЗНЕСДА ИНТЕРНЕТ ВА АХБОРОТ-КУТУБХОНА РЕСУРСЛАРИ” XII Халқаро конференциясининг ялпи мажлиси бўлиб ўтди

18.04.2018 Халқаро ёдгорликларни ва тарихий жойларни асраш кунига бағишланган китоб-расмли  кўргазма

18.04.2018 “Central Asia – 2018. ФАН, ТАЪЛИМ, МАДАНИЯТ ВА БИЗНЕСДА ИНТЕРНЕТ ВА АХБОРОТ-КУТУБХОНА РЕСУРСЛАРИ” XII Халқаро конференцияси тантанали очилди

Ўзбекистон Миллий кутубхонасида “Арча” бард қўшиғи ижрочилари клубининг Янги йил концерти бўлиб ўтди
30.12.2016

2016 йил 28 декабрь куни Ўзбекистон Миллий кутубхонасида “Арча” бард қўшиғи ижрочилари клубининг Янги йил концерти бўлиб ўтди. “Арча” бард қўшиғи ижрочилари клуби ҳамкорлигида муаллифлик қўшиқлари ихлосмандлари, “Арча” клуби мухлислари ва Ўзбекистон Миллий кутубхонаси фойдаланувчилари иштирок этдилар.

Шоира, ёзувчи, журналист, санъатшунос Г.Богдасарова кўпроқ бард қўшиғи номи билан машҳур муаллифлик қўшиқлари Янги йил концертини очар экан, йиғилганларга “Арча” ашула ва шеърият клуби фаолияти, унинг аъзолари ҳамда клуб томонидан ташкил этилаётган тадбирлар ҳақида ҳикоя қилди. Мазкур тадбир ташаббускори, бард қўшиғи ҳалқаро фестиваллари лауреати, мутахассислиги бўйича мухандис - З.Юсупов бу каби концертларнинг республика маданий ҳаётидаги аҳамиятини таъкидлаб ўтди.

Концертда бард қўшиғи ҳалқаро танловлари лауреатлари ва диплом совриндорлари,  тажрибали ва ёш муаллифлик қўшиқлари ижрочилари иштирок этдилар. Концерт дастурини Қор бобо ва Қор қиз очиб бердилар. Улар гитара жўрлигида “Янги йил” ва “Кечани Қор бобо сеҳрлади” номли қўшиқларни ижро этдилар. Шунингдек тадбирда муаллафлик қўшиқлари ҳалқаро фестиваллар лауреатлари Н.Свириденко, О.Бордовский, О.Абишева, М.Якубджанов, Г.Кутятина, А.Палатин, Е.Жалнина, И.Кондратенко, Л.Кудрявцева, Е.Алексеева, А.Цойлар иштирок этдилар. Улар муҳаббат, романтик хотираларга бой қиш ҳақида, ҳамда инсонни табассумга чорловчи, ҳаётнинг оддий ташвишларини унутишга ундовчи қувноқ қўшиқлар ижро этдилар.

           “Чимён садоси-2016” муаллифлик қўшиғи ҳалқаро фестивали лауреати Р.Шамсутдинов жисмоний имкониятлари чекланганлигига қарамай, йиғилганларга руҳий тетиклик ва аъло кайфият улашди.


Концерт дастуридан Л.Кабачёва ва П.Осипов, Н.Микушкина ва А.Стороженко,  И.Катишев ва С.Балакина, М.Туляганова ва З.Юсуповлардан иборат истеъдодли жуфтликлар қўшиқлари алоҳида ўрин эгаллади.

Ўзбекистон Миллий кутубхонаси матбуот хизмати

КУТУБХОНА ТАВСИЯ ЭТАДИ
ТАҚВИМ