Бош саҳифа > ЯНГИЛИКЛАР

Очистить

Ўзбекистон Миллий кутубхонасида Халқаро она тили куни
19.02.2019

2019 йил 19 февраль куни Ўзбекистон Миллий кутубхонаси “Жаҳон” ўқиш залида Халқаро она тили куни (ЮНЕСКО) муносабати билан “Миллатнинг энг бирламчи белгиси” деб номланган китоб-расмли кўргазма очилди. Кўргазмада она тилига чексиз эътибор ва чет тилларни ўрганишни тарғиб этишга бағишланган китоблар ўрин олган. Мазкур кўргазмада Ўзбекистон Миллий кутубхонаси фондида сақланувчи, чет тилларни ўрганишни бошловчилар ва мукаммал даражада эгаллашни хоҳловчилар учун инглиз, немис, француз, хитой, корейс, испан, араб, чех, турк, итальян, португал ва швед тилларида ўқув қўлланмалар, рисолалар, луғатлар, дисклар, аудио- ва видеокассеталар намойиш этилмоқда.

Ўзбекистон Миллий кутубхонаси фонди “Ўткан кунлар” романининг ўзбек ҳамда инглиз тилида чоп этилган нашрлари билан бойиди
18.02.2019

Ўзбекистон Миллий кутубхонаси фонди Абдулла Қодирий қаламига мансуб “Ўткан кунлар” романининг инглиз тилидаги нашри ҳамда ўзбек тили лотин алифбосида чоп этилган совғабоп нашрлари билан бойиди. Китоблар Каримов Фонди томонидан туҳфа этилди.

ЭЪЛОН!
18.02.2019

2019 йил 19 февраль куни Ўзбекистон Миллий кутубхонасида профилактика ва санитария ишлари ўтказилиши муносабати билан «Тозалик куни» эълон қилинади. Ушбу кунда фойдаланувчиларга хизматлар кўрсатилмайди.

Маъмурият

Ўзбекистон Миллий кутубхонасида илмий-маърифий электрон базаларидан фойдаланиш имкониятлари билан таништирувчи семинар бўлиб ўтди
15.02.2019

2019 йил 15 февраль куни Ўзбекистон Миллий кутубхонасида илмий-маърифий электрон базаларидан фойдаланиш имкониятлари билан таништирувчи семинар бўлиб ўтди. Мазкур семинар Низомий номидаги Тошкент педагогика университети докторантураси  1-босқич докторантлари учун ташкил қилинди.

Ўзбекистон Миллий кутубхонасида “По страницам басен Крилова” деб номланган китоб-расмли кўргазма
13.02.2019

2019 йил 13 февраль куни Ўзбекистон Миллий кутубхонаси “Истиқбол” ўқиш залида рус масалнависи Иван Андреевич Крилов  таваллудининг 250 йиллигига бағишланган “По страницам басен Крилова” (Крилов масаллари саҳифаларида) деб номланган китоб-расмли кўргазма очилди. Кўргазмада, муаллифнинг таъбири билан айтганда, унинг ажойиб масал дунёси тақдим этилган.

КУТУБХОНА ТАВСИЯ ЭТАДИ
ТАҚВИМ